Հայաստանի
երիտասարդ իրավաբանների ասոցիացիա

Աշխատանքի հնարավորություն

Պաշտոն՝ Ծրագրային օգնական
Տևողություն՝ երկարաժամկետ
Աշխատանքային վայրը՝ Երևան
Աշխատանքային օրերը և ժամերը՝ երկուշաբթիից ուրբաթ 09:00-18:00, ընդմիջում՝ 13:00-14:00

Նկարագրություն՝ «Հայաստանի երիտասարդ իրավաբանների ասոցիացիան» Եվրոպական Միության ֆինանսական օժանդակությամբ իրականացնում է «Կոռուպցիայի դեմ պայքարի բազմակողմանի խթանում» ծրագիրը, որը սկսվել է 2014 թվականի սկզբին և կավարտվի 2016 թվականի դեկտեմբերին: Ծրագրային օգնականի թափուր տեղի համար կազմակերպությունը փնտրում է համապատասխան որակավորումներ ունեցող մասնագետի:

Պարտականություններ.

– ծրագրային 3 ուղղություններով կատարվելիք աշխատանքներում ծրագրի ղեկավարի հանձնարարությունների կատարում, մասնավորապես՝ ծրագրի ղեկավարի հանդիպումների կազմակերպում, հեռախոսազանգերի գրանցում.
– միջոցառումների կազմակերպում.
– գործնական նոր կապերի ստեղծում և նոր ֆոնդերի (ֆինանսական միջոցների) հայթայթում.
– ծրագրային կայքի աշխատանքների կազմակերպում.
– բանավոր և գրավոր թարգմանություններ` հայերենից անգլերեն, անգլերենից հայերեն, հայերենից ռուսերեն, ռուսերենից հայերեն լեզուներով.
– ծրագրի ղեկավարի կողմից ծրագրի շրջանակներում տրված այլ հանձնարարությունների կատարում:

Պահանջներ.

– բարձրագույն կրթություն (լեզվաբանական կամ հանրային կառավարման կամ իրավաբանական ոլորտների կրթությունը նախընտրելի է).
– նվազագույնը երկու տարվա աշխատանքային փորձ ոչ կառավարական և/կամ միջազգային կազմակերպություններում. – հայերեն, անգլերեն և ռուսերեն լեզուների գերազանց իմացություն.
– համակարգչային հմտություններ (Excel, Word and Power Point).
– գործնական նոր կապեր ստեղծելու և դրամաշնորհների դիմելու հմտություններ.
– թիմային աշխատանքի կարողություններ.
– աշխատանքային ծանրաբեռնվածությամբ աշխատելու կարողություն:

Աշխատավարձի մասին
Ծրագրային օգնականի աշխատավարձը կկազմի մոտ 225 000 ՀՀ դրամ (ներառյալ պետական հարկերը և պարտադիր այլ վճարումները): Աշխատավարձը կվճարվի բանկային փոխանցման միջոցով:

Հայտերի ներկայացման կարգը
Հետաքրքրված անձինք կարող են մինչև սույն թվականի սեպտեմբերի 15-ը ներառյալ, ուղարկել իրենց ինքնակենսագրականը (CV) և հետաքրքրության նամակը (մինչև 300 բառ) հետևյալ հասցեին՝ [email protected]: Խնդրում ենք նամակի առարկան նշել «Ծրագրային օգնական»:
Ընտրությունը կատարվելու է մրցութային հիմունքներով: Միայն երկրորդ՝ գրավոր փուլ անցած դիմողները, կհրավիրվեն թեսթային աշխատանքների: Լավագույն արդյունքներ ցուցաբերած դիմողները կհրավիրվեն հաջորդ՝ բանավոր փուլին:

Կազմակերպության մասին
«Հայաստանի երիտասարդ իրավաբանների ասոցիացիա» հասարակական կազմակերպությունը ստեղծվել է 1995թ.-ին: Հայաստանի երիտասարդ իրավաբանների ասոցիացիայի ստեղծման հիմնական նպատակն էր համախմբել նոր սերնդի իրավաբանների ներուժը և աջակցել Հայաստանի կայացմանը, որպես անկախ, ժողովրդավարական, իրավական պետություն: Աշխատելով իրավական ոլորոտում Կազմակերպությունն իրականացնում է ժողովրդավարության, մարդու իրավունքների և օրենքի գերակայության խթանմանն ուղղված բազմաթիվ ծրագրեր: Կազմակերպության մասին մանրամասներին կարող եք ծանոթանալ կազմակերպության http://ayla.am/ պաշտոնական կայքում:

Ծրագրի մասին
Ծրագրի հիմնական նպատակն է մեծացնել Հայաստանում քաղաքացիական հասարակության կազմակերպությունների (ՔՀԿ) դերը հակակոռուպցիոն բարեփոխումների խթանման և իրականացման գործում: Ծրագրի մասին մանրամասներին կարող եք ծանոթանալ ծրագրային http://iravaban.net/eu-project կայքում:

Ուշադրություն
Ներկայացված պահանջներին չհամապատասխանող և/կամ հայտերի ներկայացման կարգի խախտմամբ փաստաթղթեր ներկայացրած անձանց թեկնածությունները չեն դիտարկվի:

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում