Հայաստանի
երիտասարդ իրավաբանների ասոցիացիա

ՇՊԱԿ-Ը ԸՆԴԴԵՄ ՀԱՆՐԱՅԻՆ ԾԱՌԱՅՈՒԹՅՈՒՆ ՄԱՏՈՒՑՈՂ ԿԱՌՈՒՅՑԻ

17.09.2012 | 13:09

01.12.2011թ. Տավուշի ՇՊԱԿ է դիմել նույն մարզի Կողբ գյուղի բնակիչ Ա. Փ.-ը և հայտնել այն մասին, որ 14.01.2010թ. պլանային փոխարինման նպատակով փոխարինվել է իրենց բնակարանի գազամատակարարման հաշվառքի սարքը: «ՀայՌուսգազարդ» ՓԲԸ-ի Նոյեմբերյանի տարածքային տեղամասի աշխատակիցները հաշվառքի սարքի փոխարինման ժամանակ որևէ անսարքություն չեն նկատել և այդ մասին որևէ գրառում չեն կատարել:

Քաղաքացին հայտնել է նաև, որ «ՀայՌուսգազարդ» ՓԲԸ-ի Նոյեմբերյանի տարածքային տեղամասի աշխատակիցները 2011թ. նոյեմբերի 14-ին իրենից պահանջել են վճարել հաշվառքի սարքի փոխարինման, տեղափոխման, վերանորոգման ստուգաչափման արժեքը` 93579.6 ՀՀ դրամ`պատճառաբանելով, որ առկա է հաշվառքի սարքի արտաքին միջամտություն` ներկայացնելով 21.01.2010թ. կազմված եզրակացություն և «ՀայՌուսգազարդ» ՓԲԸ-ի Տավուշի ԳԳՄ –ի փոխտնօրենի ստորագրությամբ գրություն, որն, ի դեպ, թվագրված չէ: Չստանալով պահանջվող գումարը` 2011թ. նոյեմբեր ամսին «ՀայՌուսգազարդ» ՓԲԸ-ի Նոյեմբերյանի տարածքային տեղամասի հսկիչը դադարեցրել է Ա. Փ.-ի բնակարանի գազամատակարարումը:

Կենցաղային սպառման համար բնական գազի մատակարարման պայմանագրի 4.2-րդ կետի համաձայն` հաշվառքի սարքի ձեռքբերման հավաքակցման և շահագործման ծախսերը իրականացնում է մատակարարը:

Նույն պայմանագրի 7.1-րդ կետի դ ենթակետի համաձայն` մատակարարը կարող է ժամանակավորապես ընդհատել կամ դադարեցնել բաժանորդի գազմատակարարումը բաժանորդի կողմից հաշվառքի սարքի շրջանցմամբ կամ հաշվառքի սարքի միտումնավոր խախտմամբ գազի օգտագործման դեպքում: Սակայն ինչպես երևում էր ներկայացված փաստաթղթերից, պլանային փոխարինման նպատակով հաշվառքի նախկին սարքի փոխարինման ժամանակ սարքի արտաքին միջամտություն չէր արձանագրվել, հետևաբար որևէ կերպ չի հիմնավորվում բաժանորդի կողմից հաշվառքի սարքի միտումնավոր խախտմամբ գազի օգտագործման փաստը, ինչն էլ ենթադրում է, որ բաժանորդի բնակարանի գազամատակարարումն ընդհատվել է վերոհիշյալ պայմանագրի գազամատակարարման ընդհատման կամ դադարեցման պայմաններին ոչ համապատասխան և առանց իրավական հիմքերի:

Հաշնի առնելով ստեղծված իրավիճակը և այն հանգամանքը, «ՀայՌուսգազարդ» ՓԲԸ-ի բաժանորդի բնակարանի գազամատակարարումը դադարեցված էր, Տավուշի ՇՊԱԿ-ի կողմից դիմում է կազմվել և ուղղարկվել «ՀայՌուսգազարդ» ՓԲԸ-ի վարչության նախագահ-գլխավոր տնօրեն Վ. Հարությունյանին:

Ընդամենը երեք օրից բաժանորդի գազամատակարարումը վերականգնվել է և չեղյալ համարվել 93579.6 ՀՀ ծախսերի ակտը: Իսկ քաղաքացին իր խորին շնորհակալությունը հայտնեվ ՇՊԱԿ-ին` իրավական աջակցություն ցուցաբերելու համար:

Leave a Reply

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում