Հայաստանի
երիտասարդ իրավաբանների ասոցիացիա

Փարիզը որպես կոռուպցիայի դեմ պայքարի միջազգային կենտրոն

24.03.2015 | 17:03

Մարտի 23-24-ին Փարիզում տեղի ունեցավ ՏՀԶԿ Արևելյան Եվրոպայի և Կենտրոնական Ասիայի հակակոռուպցիոն ցանցի պլենար հանդիպումը: Հանդիպմանը քննարկվեցին Հայաստանի, Ղրղզստանի, Ուկրաինայի, Մոնղոլիայի, Ադրբեջանի, Վրաստանի, Ղազախստանի, Ուզբեկստանի, Տաջիկստանի զեկույցները իրենց երկրներում կոռուպցիայի դեմ պայքարի վերաբերյալ: Բացի այդ, պետությունների պետական մարմինների և հասարակական կազմակերպությունների ներկայացուցիչներից, միջոցառմանը մասնակցում էին նաև միջազգային կազմակերպությունների ներկայացուցիչներ:

Հայաստանը ներկայացնում էին ՀՀ արդարադատության փոխնախարար Սուրեն Քրմոյանը, ՀՀ ֆիննանսների փոխնախարար Տիգրան Բարսեղյանը, «Տեղեկատվության ազատության կենտրոն» ՀԿ փորձագետ Լիանա Դոյդոյանը, Հակակոռուպցիոն կոալիցիայի ներկայացուցիչ Քարլ Ուլբրիխտը և ՀԵԻԱ վարչության անդամ Մարատ Ատովմյանը:

Քարլ Ուլբրիխտը և Մարատ Ատովմյանը իրենց ելույթներում ներկայացրեցին ՀԵԻԱ և կոալիցիայի տեսակետները ՀՀ հակակոռուպցիոն ռազմավարության նախագծի և ստեղծման փուլում գտնվող հակակոռուպցիոն ինստիտուտների վերաբերյալ:

Իրավաբան.net

Comments are closed.

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում