Հայաստանի
երիտասարդ իրավաբանների ասոցիացիա

Հանդիպում Միջազգային հակակոռուպցիոն ակադեմիայում

22.05.2015 | 17:05

Սույն թվականի մայիսի 21-ին ՔՀԿ-ների հակակոռուպցիոն կոալիցիայի քարտուղարության համակարգող, Հայաստանի երիտասարդ իրավաբանների ասոցիացիայի նախագահ Կարեն Զադոյանը, ԵԱՀԿ-ի երևանյան գրասենյակի հակակոռուպցիոն ծրագրերի համակարգող Նաիրա Գյուլնազարյանը, ԵԱՀԿ-ի երևանյան գրասենյակի արդյունավետ կառավարման բաժնի ներկայացուցիչ Քրիստինե Աղայանը այցելեցին Ավստրիայի Լաքսենբուրգ քաղաքում գտնվող Միջազգային հակակոռուպցիոն ակադեմիա և հանդիպում ունեցան ակադեմիայի միջազգային կապերի և արարողակարգի ղեկավար Էրնստ Շմիդի հետ:

Պարոն Շմիդը հայաստանյան պատվիրակության անդամներին ներկայացրեց ակադեմիայի պատմությունը, գործունեությունը, համապատասխան տեղեկատվություն տրամադրեց ակադեմիայի առաջիկա ուսուցումների և անելիքների մասին: Հանդիպման ընթացքում քննարկվեցին երկկողմ հետաքրքրություն ներկայացնող հարցեր, մասնավորապես՝ ՔՀԿ-ների հակակոռուպցիոն կոալիցիայի հետ հնարավոր համագործակցության հուշագրի ստորագրման, դրա շրջանակներում հակակոռուպցիոն կոալիցիայի անդամ կազմակերպությունների համար հակակոռուպցիոն հատուկ ուսուցումների մշակման և կազմակերպման, ինչպես նաև ակադեմիայի գործող ուսուցումներին և ծրագրերի շրջանակներում հակակոռուպցիոն կոալիցիայի անդամների մասնակցության հնարավորությունները:

Հանդիպման ավարտին պարոն Շմիդի ուղեկցությամբ հայաստանյան պատվիրակության անդամները շրջայց կատարեցին ակադեմիայում:

Comments are closed.

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում