Հայաստանի
երիտասարդ իրավաբանների ասոցիացիա

Հաջողության պատմություն. դատարանը բավարարել է «Նաիրիտ»-ի աշխատակցի հայցը՝ 1.5 մլն դրամի չափով

25.08.2015 | 10:08

«Նաիրիտ» գործարանի  աշխատակիցներից Հայկանուշ Թութունջյանը այս տարվա ապրիլին դիմել էր Հայաստանի երիտասարդ իրավաբանների ասոցացիա՝ ցանկություն հայտնելով «Նաիրիտ» դեմ դատական հայց ներկայացնելու, քանի որ, ինչպես հայտնի է, գործարանը մեկ տարուց ավելի աշխատոնղներին չի վճարել աշխատավարձը, որի ընթացքում գոյացել են նաև տոկոսներ:

«Քաղաքացին դիմեց մեզ և ասաց, որ ցանակնում է վերականգնել իր խախտված իրավունքները, որպեսզի գործարանը վճարի իր աշխատավարձը և օրենքով սահմանված աշխատավարձի ժամանակին չվճարելու համար հասանելիք  տոկոսները»,- ասաց Հայաստանի երիտասարդ իրավաբանների ասոցացիայի իրավախորհրդատու Առնոլդ Վարդանյանը:

Հայաստանի երիտասարդ իրավաբանների ասոցացիայի իրավախորհրդատուն քաղաքացու անունից ապրիլին հայցադիմում է ներկայացրել՝ պահանջելով գործատուին պարտավորեցնել վճարել աշխատավարձն ու ՀՀ աշխատանքային օրենսգրքով սահմանված տոկոսներ: իսկ դատական նիստը նշանակվել է հուլիսին. «Նիստից առաջ այն փուլն էր սկսվել, որ գործարանի բոլոր աշխատողներին հարկադրում էին պայմանագիր կնքել, որ հրաժարվում են տոկոսներից: Դատական նիստի օրը համընկել էր այդ փաստաթուղթը ստորագրելու վերջին օրվա հետ: Ես նրան առաջարկեցի, չստորագրել և սպասել դատարանի վճիռին»,- ասաց խորհրդատուն:

Քաղաքացին չի ստորագրել պայմանագիրը և շարունակել է դատական կարգով պահանջել թե՛ աշխատավարձը, թե՛ իրեն հասանելիք տոկոսները: Արդյունքում դատարանը կայացրեց դատական ակտ, որով բավարարվեց ինչպես հիմնական աշխատավարձի  գումարի բռնագանձման պահանջը, այնպես էլ տոկոսների բռնագանձման պահանջը: Գումարը կազմում է  1մլն աշխատավարձ, 560 հազար տոկոս:

Comments are closed.

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում