Հայաստանի
երիտասարդ իրավաբանների ասոցիացիա

ՀԵԻԱ-ն 20 տարեկան է

15.01.2016 | 11:01

Հայաստանի երիտասարդ իրավաբանների ասոցիացիան 20 տարեկան է: Մարդու իրավունքների պաշտպանության, կոռուպցիայի դեմ պայքարի և արդարադատության սկզբունքների հաստատման 20-ամյա պայքարն ամփոփվեց հունվարի 14-ին: Հայաստանի երիտասարդ իրավաբանների ասոցիացիայի նախագահ Կարեն Զադոյանը նշեց, որ այս տարիներին հասարակական կազմակերպությունը լայնածավալ աշխատանքներ է տարել քաղաքացիական հասարակության զարգացման և իրավագիտակցության բարձրացման ուղղությամբ:

Նա կարևորեց քաղաքացիական հասարակության կողմից կոռուպցիայի դեմ պայքարում ակտիվության ցուցաբերումը:

Տոնական միջոցառմանը հաջորդեցին հավաստագրերի հանձման արարողությունները:

ՀԵԻԱ-ի զարգացման գործում ներդրված զգալի ավանդի համար Կարեն Զադոյանի կողմից շնորհակալագրով պարգևատրվեց Առնոլդ Վարդանյանը, Իրավաբան.net կայքի լրագրողական հետաքննությունների բաժնի զարգացման գործում ունեցած մեծ ավանդի համար պարգևատրվեց լրագրող Աստղիկ Կարապետյանը, Կարեն Քոչարյանը ճանաչվեց ՀԵԻԱ-ի տարվա լավագույն անդամ, ՀԵԻԱ-ի տարվա լավագույն կամավոր ճանաչվեց Մարգարիտա Մելքոնյանը, 2015թ. ցուցաբերած մասնագիտական գերազանց պատրաստվածության և կորպորատիվ բարձր հատկանիշների համար ասոցիացիայի աշխատակազմի տարվա լավագույն աշխատող ճանաչվեց լրագրող Գևորգ Թոսունյանը:

Ի դեպ, ողջ միջոցառման ընթացքում Կարեն Զադոյանը մոհիտոներ պատրաստեց ու հյուրասիրեց մասնակիցներին:

Comments are closed.

    Հայաստանի երիտասարդ իրավաբանների ասոցիացիան 2014 թվականից ունի ՄԱԿ-ի Տնտեսական և Սոցիալական Խորհրդի հատուկ խորհրդակցական կարգավիճակ:

ԲԱԺԱՆՈՐԴԱԳՐՈՒԹՅՈՒՆ

Դուք կարող եք բաժանորդագրվել և ստանալ բոլոր նորությունները Ձեր էլ. փոստով

ASAID Սույն կայքի վերակառուցման ծրագիրը հնարավոր է դարձել Ամերիկայի ժողովրդի օգնության շնորհիվ` Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) միջոցով տրամադրվող օժանդակությամբ: Բովանդակությունը կարող է չարտացոլել ԱՄՆ ՄԶԳ կամ ԱՄՆ կառավարության տեսակետները:

Պատրաստված է՝ "Շահումյան Մեդիա"–ում